KALAČ: Moj mandat će biti u znaku borbe protiv nepotizma, korupcije i kriminala
Kandidat za predsjednika Crne Gore g-din Hazbija Kalač, danas (22.03.2018) u prostorima stranke, održao je konferenciju za novinare, na kojoj je govorio o programskim načelima njegove kandidature.
On je govorio o problemima korupcije i kriminala u državi, te kazao da njegov program te probleme detektuje i stavlja u prioritete za rješavanje.
„Imamo izazov da otmemo državu kriminalu i kriminalcima, da je vratimo narodu, da uspostavimo vladavinu prava, gdje će svaki građanin biti jednako tretiran.“ – kazao je predsjednički kandidat Kalač.
On je naveo, između ostaloga, da je spreman svoj mandat proglasiti mandatom „borbe protiv nepotizma, korupcije i kriminala“.
„Nepotizam je veliki problem crnogorskog društva. Zato ću svoj mandat proglasiti mandatom borbe protiv nepotizma“ – zaključio je Kalač.